De Clochards

Welkom op de websaajt vaan de Clochards vaan Mestreech, vastelaovesvierders vaan ’t jaor 1984!

De Clochards zien unne grop zakeluij oet Mestreech en umstreeke, die met de Vastelaovend verkleijd en gesjmink same op stap goon. In 2005 bestoonte de Clochards alweer 25 jaor. Veer hubbe toen aoch un pleetsje opgenomme genaomp “25 jaor Clochards”. In 2014 bestoon zie 3×11 jaor, en aoch daovaan is un nuij plaat opgenomme (duij mèr ins op play):

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Veer doen aoch aon sjariteit: wie veer 2×11 jaor bestoonte hubbe veer cent ingezameld veur ut projek “kin iech de pot op”, ofwel unne mobiele wc veur invalide vastelaovesvierders. Dee waagel is sinds toen volop in gebruuk.
Veer zien eeder jaor bezig met e nuij good doel, en daoveur verkaope veer sjoen kiste met dao in alle medaaljes vaan de Clochards, veur 500 euro. Alle medaaljes zien met de hand gemaak door unne ex-Clochard Hans Waltje. Eeder kis is dus uniek. Geer kint dizze kiste oonder aandere goon bewoondere in kaffee De Belsj, De Vogelstruys, kaffee Lure en kaffee Rembrandt. Es geer zoen kis welt kaope, sjik daan unne ie-meel nao Math Haaken, daan numme veer kontak met uuch op.

Welt geer e beriechske achterlaote veur de Clochards, daan kin dat in ’t gastebook. Es geer nog sjieke en sjoene foto’s hub vaan de Clochards, daan kint geer die ie-meele nao de webmeister Raymond Haaken.
Geer kint uuch aoch op dizze site registrere, zoetot geer kint inlogge en op de huugte kint blieve vaan alle nuijts euver de Clochards. Aoch hoof geer daan eure naom en iemeel neet mie in te völle es geer un reaksie welt plaotse. Merci!

Medaaljekis 33 jaor Clochards

De nuij kis is veerdig, met alle medaaljes vaan 33 jaor Clochards!

clochards medaaljekis 33jaor

33 Jaor Clochards!

Klik op de play knop veur eus nuij leedsje!

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Imvitasie 2014

Oetstap mèt de Opstap: Fun Ville + Boottoch

Veurige week dinsdag zien de Clochards met de kinderkes Vaan de Opstap en de Sprong op e oetstepke gewees.
Veer zien ierts nao den indoor speultuin vaan “Fun Ville” aon de Kesselskade gewees en daonao de Maos op met de “Maasvallei” vaan de firma Stiphout.
De kinder höbbe unnen oonvergetelijken daag gehad en veer höbbe genote um de beij te zien gewees en dat met te kinne make.
Met unne groete mercie aon FUN VILLE en Rederij STIPHOUT.
De Groepsfoto is geweldig 96 kinderkes en hun begeleiders in de kèrrek vaan Fun Ville:

Vastelaovend 2012

De Vastelaovend is alweer veurbeij, dus is ’t noe tied um eve beij te kaome, en te loere wat de Clochards dit jaor weer höbbe mètgemaak. De nuij medaalje stoont in ’t teike vaan Bert Janssen “Uzze Bert”, mèt vleugele en microfoon aofgebeeld. De Clochards hadde dit jaor weer un nuij bron vaan inkomste gevoonde, naomelik ’t verhandele vaan deur juwele en diamante. Geer kint de foto’s heij goon bekieke.

Math Haaken geïnterviewed op TV Maastricht

Math Haaken is aofgelaope weekend op TV Mestreech gewees in ’t program “Kopstukken”. De video daovaan steit op de “fèllemkes” pagina, meh g’r kint ’t aoch heij bekieke:

Kopstukken (10) Math Haaken.

Broelof Raymond & Denise Haaken

Bèste hiere en dames vaan de Clochards, Denise en iech wèlle uuch vaan harte bedaanke veur eur koms naor eus broelof aofgelaope vriedag, en veur eur kedo. Veer voonte ’t erreg sjiek tot geer zeet gewees! Veer höbbe unne te gekke daag gehad, en die fles Cuvée des Clochards zal zeker smake 😉
Heijbeij de foto’s die gemaak zien. Aander foto’s kint geer op mien website goon beloere. Merci, Raymond & Denise.

Bert Janssen gestorreve

De Mestreechter Clochards laote uuch ontzettend bedreuf wete dat op 27 juli euze groete vreund BERT JANSSEN is gestorreve.



Bert bedaank veur ALLES!!
Marcel -Ton – Math – Barry – Rudie – Ton –Ed – Rob.

 


Geer kint heij eur reaksies plaotse: link (reaksies weure neet otomatisch geplaots, behalve es geer ingelog zeet)

Valkenier bezeuk “De Opstap”

Op 5 juli 2011 zien de Clochards met de kinder vaan S.B.O. “De Opstap” naor pretparrek de Valkenier gewees. Heijvaan is un rippertaasj te zien gewees op TV Mestreech:
YouTube Preview Image

Aoch zien dao get foto’s gemaak, die kint geer heij bekieke:

De Klappej

De Clochards prizzentere op Vastelaovesmaondag roond 13.00 oor in Kaffe De Tribunal hun gezèt “De Klappej”, dee € 1,11 zal koste. D’n opbrings geit nao ’t Leger des Heils. Lees aoch d’r euver in Maastricht Aktueel.

Cuvee des Clochards

Op de Jaorvergadering vaan De Tempeleers is de Tempeleerswien 2011 Cuvée Des Clochards geprizzenteerd. Aoch dee kint weurde bestèld via de website vaan de Tempeleers, en is teves te kaop bij Thiessen wijnkoopers, Grote Gracht Maastricht.


Prijzen: 1 fles Cuvée Des Clochards € 7,77. 1 kist met 1x fles Cuvée Des Clochards + 2x glas € 18,50

Search
Advertisement
Fotookes