De Clochards

Welkom op de websaajt vaan de Clochards vaan Mestreech, vastelaovesvierders vaan ‘t jaor 1984!

De Clochards zien unne grop zakeluij oet Mestreech en umstreeke, die met de Vastelaovend verkleijd en gesjmink same op stap goon. In 2005 bestoonte de Clochards alweer 25 jaor. Veer hubbe toen aoch un pleetsje opgenomme genaomp “25 jaor Clochards”.

Veer doen aoch aon sjariteit: wie veer 2×11 jaor bestoonte hubbe veer cent ingezameld veur ut projek “kin iech de pot op”, ofwel unne mobiele wc veur invalide vastelaovesvierders. Dee waagel is sinds toen volop in gebruuk.
Veer zien eeder jaor bezig met e nuij good doel, en daoveur verkaope veer sjoen kiste met dao in alle medaaljes vaan de Clochards, veur 500 euro. Alle medaaljes zien met de hand gemaak door unne ex-Clochard Hans Waltje. Eeder kis is dus uniek. Geer kint dizze kiste goon bewoondere in kaffee De Belsj, De Vogelstruys en kaffee Rembrandt. Es geer zoen kis welt kaope, sjik daan unne ie-meel nao Math Haaken, daan numme veer kontak met uuch op.

Welt geer e beriechske achterlaote veur de Clochards, daan kin dat in ‘t gastebook. Es geer nog sjieke en sjoene foto’s hub vaan de Clochards, daan kint geer die ie-meele nao de webmeister Raymond Haaken.
Geer kint uuch aoch op dizze site registrere, zoetot geer kint inlogge en op de huugte kint blieve vaan alle nuijts euver de Clochards. Aoch hoof geer daan eure naom en iemeel neet mie in te völle es geer un reaksie welt plaotse. Merci!

Math Haaken is aofgelaope weekend op TV Mestreech gewees in ‘t program “Kopstukken”. De video daovaan steit op de “fèllemkes” pagina, meh g’r kint ‘t aoch heij bekieke:

Bèste hiere en dames vaan de Clochards, Denise en iech wèlle uuch vaan harte bedaanke veur eur koms naor eus broelof aofgelaope vriedag, en veur eur kedo. Veer voonte ‘t erreg sjiek tot geer zeet gewees! Veer höbbe unne te gekke daag gehad, en die fles Cuvée des Clochards zal zeker smake
Heijbeij de foto’s die gemaak zien. Aander foto’s kint geer op mien website goon beloere. Merci, Raymond & Denise.

Op 5 juli 2011 zien de Clochards met de kinder vaan S.B.O. “De Opstap” naor pretparrek de Valkenier gewees. Heijvaan is un rippertaasj te zien gewees op TV Mestreech:

Aoch zien dao get foto’s gemaak, die kint geer heij bekieke:

De Clochards prizzentere op Vastelaovesmaondag roond 13.00 oor in Kaffe De Tribunal hun gezèt “De Klappej”, dee € 1,11 zal koste. D’n opbrings geit nao ‘t Leger des Heils. Lees aoch d’r euver in Maastricht Aktueel.

Op de Jaorvergadering vaan De Tempeleers is de Tempeleerswien 2011 Cuvée Des Clochards geprizzenteerd. Aoch dee kint weurde bestèld via de website vaan de Tempeleers, en is teves te kaop bij Thiessen wijnkoopers, Grote Gracht Maastricht.