Gooj Doele

De Clochards doen gere get bijdrage aon gooj doele. Daorum geve zie eeder jaor e sjoen bedraag aon diverse gooj doele die hun oonder d’n aondach gebrach weure. Heij stoon get foto’s daovaan:

op 2 fibberwarie zien de clochards 180 vastelaoveskostuums goon bringe naor de Maasgouw in Mestreech en Adelante in Valkenburg, sjaole veur revaliderende kinder en kinder mèt miejervoudige handicaps, mèt daank aon vastelaoveswinkel de Roej Neus.

Op 26 juni 2012 zien de Clochards met de kinderkes vaan S.B.O. “De Opstap” en de Sprong op e oetstepke gewees. Veer zien ierts nao den indoor speultuin vaan “Fun Ville” aon de Kesselskade gewees en daonao de Maos op met de “Maasvallei” vaan de firma Stiphout. De kinder höbbe unnen oonvergetelijken daag gehad en veer höbbe genote um de beij te zien gewees en dat met te kinne make. Met unne groete mercie aon FUN VILLE en Rederij STIPHOUT.
De Groepsfoto is geweldig 96 kinderkes en hun begeleiders in de kèrrek vaan Fun Ville:


Op 5 juli 2011 zien de Clochards met de kinder vaan S.B.O. “De Opstap” naor pretparrek de Valkenier gewees. Heijvaan is un rippertaasj te zien gewees op TV Mestreech:

Aoch zien dao get foto’s gemaak, die kint geer heij bekieke:

De Tempeleers höbbe in 2011 unne speciaole Cuvée gebotteld es hommaasj aon de Clochards, en hunnen inzat veur de sjariteit en de Vastelaovend. Heij kint geer dao get miejer euver leze.


D’n opbrings vaan dizze wien weurt door de Tempeleers gebruuk um euzen Mestreechter Vastelaovend, en in ’t bezunder ’t Zjubbeleij, te entamere en te stimulere.

Share and Enjoy:
  • Print
  • Hyves
  • Facebook
  • LinkedIn
  • Twitter
  • StumbleUpon
  • del.icio.us
  • Reddit
  • Google Bookmarks
  • Add to favorites
  • email
  • RSS

Leave a Reply

 

Search
Advertisement
Fotookes